Lýsingar eiga at vera frámerktar

Lýsingar á sosialu miðlunum eiga at vera frámerktar at vera lýsingar.

Tað sigur Brúkaraumboðið við tey, sum eru ávirkarar ella marknaðarføra vørur og tænastur á sínari vangamynd á sosialu miðlunum.  

Alt, sum kann fremja sølu, og fólk fáa pengar ella aðrar fyrimunir fyri at leggja út, skal hava frámerki.

Fólk eiga tá at brúka orðið lýsing.

Tað er ikki nóg mikið bara at siga, at tað, sum verður lagt út, er í samstarvi við onkran, kapping, viðmæli fyri onkran ella bara nevna navnið á fyritøkuni.

Lýsarar, netverk og lýsingastovur, sum fólk arbeiða saman við, hava eisini ábyrgd av, at lógin verður fylgd. 

Brúkaraumboðið hevur heimild at banna ólógligari marknaðarførslu. Brot kunnu revsast við sekt, sigur Brúkaraumboðið.

Hoyr samrøðu, sum Ruth Winther Poulsen gjørdi við Rannvá Sólheim, brúkaraumboð: