Turkaland: Kvinnur bjargaðar

Turkiskir myndugleikar upplýsa, at onnur kvinnan var 70 ára gomul og varð bjagað í Kahramanmaras-landslutinum og at hin var ein 55 ára gomul kvinna, sum var bjargað í Diyarbakir, sum er næststørsti býur í landsynningspartinum av Turkalandi.

Tað skrivar Reuters-tíðindastovan.

Turkiski varaforsetin, Fuat Oktay, upplýsti í nátt, at tilsamans 67 fólk eru fingin undan húsatoftum hetta seinasta samdøgrið.

Kortini hava jarðskjálvtarnir mánadagin kravt nógv mannalív í bæði Turkalandi og Sýrialandi, og tilsamans er talið á deyðum í morgun farið upp um 24.000.

Í Turkalandi fáa umleið 80.000 fólk viðgerð á sjúrkrahúsi, og turkisku myndugleikarnir meta, at umleið ein millión eru blivin heimleys.