Nú eru trý republikansk valevni

Republikanararnir í USA hava fingið eitt forsetavalevni aftrat.

Handilsmaðurin, Vivek Ramaswamy, hevur boðað frá, at hann stillar upp til at gerast valevni hjá republikanarunum til forsetavalið næsta ár.

 - Skulu vit seta Amerika fremst, mugu vit endurhugsa, hvat Amerika er. Tískil stilli eg upp til forsetavalið, skrivar Ramaswamy í eini grein í Wall Street Journal.

Tryggja landamarkið

Í tíðargreinini mælir hann til at skapa ein nýggjan tjóðarsamleika, sum ger sonevndu "woke-dagskránna" týdningarleysa. Hann ætlar eisini at tryggja amerikansku landamarkð, skrivar hann.

Ramaswamy er millióningur og hevur gjørt íløgur í biotøkni. Hann er eisini rithøvundur.

Nú eru trý um boðið at gerast republikanskt forsetavalevni. 

Umframt Ramaswamy, bjóða fyrrverandi forsetin Donald Trump og Nikki Haley, sum er fyrrverandi guvernørur, seg fram.