Skattauppgerð: Fáa 57 milliónir aftur frá Taks

18.112 fólk, 1.000 fleiri enn í fjør, fáa pengar aftur frá Taks, tí tey hava goldið ov nógv í skatti fyri 2022.

Tey fáa 56,8 milliónir krónur.

So eru tey, sum hava goldið ov lítið í skatti.

Tey eru 2.205, 540 fleiri enn í fjør, og fáa í næstum rokning, tilsamans 6,5 milliónir krónur.

23.620 fólk, tey vóru 23.283 í fjør, hava goldið rættan skatt.

Tey hvørki fáa ella skylda Taks nakran pening.

Tey, sum fáa skattauppgerð, skulu kanna, um hon er røtt.

Er hon ikki tað, skulu fólk boða Taks frá, lata inn sjálvuppgávu við røttum upplýsingum, í seinasta lagi 1. mai.