Spæl føroyskt-vikan sett

Á samkomu í forhøllini í Kringvarpi Føroya í kvøld bleiv Spæl føroyskt-vikan sett. 

Ivan Hentze Niclasen, Kringvarp Føroya

Tað eru Tónleikasamband Føroya og Kringvarp Føroya, sum samstarva um Spæl føroyskt.

Eyðfinn Jensen, Spæl føroyskt vikan

Setanin bleiv send beinleiðis í útvarpinum. 

Dánjal Dam á Neystabø, Spæl føroyskt vikan

Dánjal á Neystabø, formaður í Tónleikasambandi Føroya, og Ivan Hentze Niclasen, stjóri í Kringvarpi Føroya, hildu røðu. 

Marianna Winter, Spæl føroyskt vikan

Marianna Winter framførdi til setanina saman við Ragnari Finssyni. 

Nógv á skránni

Spæl føroyskt-vikan verður bæði ein vika, har Kringvarpið fer at spæla føroyskan tónleik burturav, men eisini ein vika við framførslum og framløgum við føroyskum tónleiki um alt landið – og enntá á føroyskum sendistovum úti í heimi.

Spæl føroyskt vika skrá

Skráin fyri Spæl føroyskt-vikuna sæst á Facebook-vanganum hjá Spæl føroyskt.

Hæddarpunktið í Spæl føroyskt-vikuni er FMA (Faroese Music Awards), sum verður í Norðurlandahúsinum 11. mars og sent beinleiðis í sjónvarpinum.