Sea Shepherd stovnar deild í Noregi

Felagsskapurin Sea Shepherd hevur sett á stovn deild í Noregi. Hetta er fyrstu ferð, at 46 ára gamli felagsskapurin fær sær skrivstovu í Noregi.

Deildin eitur Sea Shepherd Norway, og skal arbeiða fyri at verja djóralív og lívlendi hjá djórum fram við norsku strondini, skrivar norska kringvarpið.

Norðmenn kenna væl felagsskapin, sum Paul Watson stovnaði á sinni.

Í 90-árunum vóru nógvir samanbrestir, eins og vit upplivdu tað í Føroyum. Í Noregi royndi Sea Shepherd enntá at nakrar ferðir at søkkja hvalabátar.