Rannvá Magnadóttir er ársins Brita

Ársins Brita er Rannvá Magnadóttir.

Tað bleiv avdúkað á 8.mars-tiltakinum í Fuglafirði í gjárkvøldið.

- Ársins Brita var tann fyrsta í eini røð av kvinnum í Føroyum, sum sýttu fyri gerast offur fyri talgildum harðskapi, tá ein listi við nøvnum á kvinnum í sonevndu Golden Maps var í umferð, segði dómsnevndin í grundgevingini, tá Rannvá Magnadóttir fekk heiðurin at vera ársins Brita.

Ársins Brita, Rannvá Magnadóttir og Ingilín D. Strøm

Rannvá Magnadóttir og Ingilín D. Strøm.

Ingilín D. Strøm, landsstýriskvinna, segði á tiltakinum í gjárkvøldið, at treystið og dirvið hjá ársins Britu hevur verið við til at flutt mørk okkara og gjørt okkum meira búgvin sum samfelag. 

Rannvá Magnadóttir segði sína søgu í einum innslagi í Degi og viku saman við øðrum kvinnum, ið høvdu verið út fyri tí sama.