- Tíðindi, mentan og ítróttur
Atlantic: Ikki nóg trygt at flúgva til Moldova
Atlantic: Ikki nóg trygt at flúgva til Moldova
Flogfelagið fer ikki at flúgva fótbóltslandsliðið til grannalandið hjá Ukraina
Atlantsflog fer ikki at flúgva fótbóltslandsliðið beinleiðis til Moldova.
Mynd: Bjarni Árting Rubeksen
09.03.2023 - 17:00
Tá føroyska fótbóltslandsliðið fer til Moldova, har dystur verður spældur 24. mars, verður fyrst flogið til Danmarkar við Atlantic Airways, og síðani víðari til Moldova við einum útlendskum charter-felagi.
Vanliga flýgur Atlantic føroyska fótbóltslandsliðið allan vegin úr Føroyum til plássið, har dystur er í Evropa, men í hesum føri hevur Atlantic Airways valt at siga Fótbóltsambandinum, at tað má finna eina aðra loysn.
Landsliðið í fótbólti. (Mynd: FSF)
Flogfelagið metir ikki, at tað er nóg trygt at flúgva til Moldova, sum er grannaland hjá Ukraina. Eisini er talan um ein tryggingarspurning, sigur Jóhanna á Bergi, stjóri hjá Atlantic.
Hoyr innslag í útvarpstíðindunum:
09032023_Atlantic_og_Moldova
Er kopiera
Nýggjastu sendingar í ÚV
Nýggjastu sendingar í SV
