Kann taka fleiri tímar at rudda kavan burtur

Nógvur kavi er komin niður ymsastaðni kring landið í gjárkvøldið og í nátt, og í støðum kann tað fara at taka fleiri tímar at rudda kavan á landsvegnum, so tað verður koyrandi aftur.

Tað sigur Árni Jacobsen, økisleiðari hjá Landsverki.

Hált er um alt landið og jarðrok.

Kavarudding - Mynd Landsverk

Soleiðis sá út á Oyndarfjarðarvegnum í morgun. (Mynd: Landsverk)

Í Suðuroynni er ikki koyrandi millum Vág og Sumba og á Fámjinsvegnum, og koyrandi er ikki til eysturbygdirnar í Sandoynni.

Koyrandi er ikki á Ouggjarvegnum og á Selatraðarvegnum, Gjáarvegnum, Elduvíkavegnum og Saksunarvegnum.

Bara annað sporið er grivið millum Hvannasund og Viðareiði. 

Árni Jacobsen segði soleiðis fyri einum hálvum tíma síðani:

Sí nýggjastu koyrilíkindi frá Landsverki her