Skeyt í náttklubba í Reykjavík

Løgreglan í Reykjavík leitar eftir einum manni í sambandi við ein skottilburð í náttklubbanum Dubliner í miðbýnum í íslendska høvuðsstaðnum. 

Tvey fólk eru løstað, tó ikki álvarsliga.

Politiovastin í Reykjavík vil ikki at upplýsa, hvør maðurin er, men atburðurin hjá manninum bendir á, at talan er um ein vandamiklan mann.

Grímur Grímsson, politiovasti, sigur, at maðurin fór inn í Dubliner um 19-tíðina í gjárkvøldið, har hann kom í orðadrátt, áðrenn hann skeyt eitt skot inn í veggin við barrina, og flýddi síðani.

Kanna revolvara

Ein revolvari var funnin nærhendis, og og løgreglan kannar, um talan er um revolvaran, sum maðurin brúkti. 

Eisini kannar løgreglan upptøkur frá vakmyndatólum á staðnum fyri at staðfesta, hvør maðurin er. 

Politiovastin vil ikki siga, um løgreglan hevur illgruna um, hvør maðurin er. 

Tó er greitt, at framferðarhátturin hjá manninum týðiliga vísir, at talan er um ein vandamiklan mann, og tí fer løgreglan varisliga fram í málinum.