NORA fær nýggjan stjóra 1. september

Halla Nolsøe Poulsen er sett í starvið sum stjóri á NORA.

Hon er 45 ára gomul og útbúgvin cand.scient.pol á lærda háskúlanum í Keypmannahavn.

Seinastu trý árini hevur Halla Nolsøe Poulsen verið føroysk sendikvinna í Reykjavík. 

Frammanundan hevur hon m.a. verið ráðgevi á skrivarastovninum hjá Norðurlandaráðnum í átta ár, ráðgevi á Løgmansskrivstovuni og ráðgevi í Uttanríkis- og vinnumálaráðnum.

Halla Nolsøe Poulsen tekur við starvinum 1. september.

Ásmund Guðjónsson hevur verið stjóra í NORA í átta ár. Hann gevst í summar.

NORA er samstarv millum londini í útnorði og Strandanoreg.