- Tíðindi, mentan og ítróttur
Neyðtøkumál í landsrættinum
Neyðtøkumál í landsrættinum
Neyðtøkurnar vóru í 2018 og 2019, sambært ákæruni, og báðar vóru í Havn
Landsrætturin er í Føroyum í hesum døgum og skal m.a. viðgera eitt mál um neyðtøkur.
15.03.2023 - 08:21
Í dag fer Eystari landsrættur at viðgera eitt føroyskt neyðtøkumál.
Føroya rættur dømdi fyrst í desember í fjør ein 25 ára gamlan mann eitt ár og átta mánaða treytaleysa fongsulsrevsing fyri at hava neyðtikið tvær kvinnur.
Báðar neyðtøkurnar vóru, sambært ákæruritinum, í Havn.
Maðurin var ákærdur fyri at hava útvegað sær samlegu við kvinnurnar við at nýta harðskap, sigur politiið.
Noktaði seg sekan
Neyðtøkurnar vóru í 2018 og 2019, sambært ákæruni.
25 ára gamli maðurin kærdi dómin. Hann noktaði seg sekan.
Fimta deild hjá Eystari landsrætti er í Føroyum í hesum døgum.
Hon kemur til Føroya tríggjar ferðir um árið at viðgera dómar hjá Føroya rætti, sum eru skotnir inn fyri hægri rætt, appelleraðir, sum tað eitur.
Er kopiera
Nýggjastu sendingar í ÚV
Nýggjastu sendingar í SV
