Nú eru íbúðir og raðhús nógv størsti parturin

1.524 bústaðir eru bygdir í Føroyum seinastu átta árini, skrivar Hagstovan.

Samstundis komu 5.609 fólk aftrat í Føroyum.

Í 2009 vóru bygdir 274 bústaðir. Talið fór heilt niður í 71 í 2014. 

Men frá 2017 veksur talið aftur líðandi upp í 331 bústaðir í 2022.

Sethús, sethúsabygging

Síðstu átta árini eru bygd 652 sethús í Føroyum. (Savnsmynd: Bjarni Árting Rubeksen)

Íbúðir og raðhús

Byggihátturin er broyttur. Nú eru íbúðir og raðhús nógv størsti parturin. Síðstu átta árini eru bygd 652 sethús og 872 íbúðir og raðhús.

Av teim 1.524 nýggju bústøðunum eru 988 í Streymoyar sýslu, 65 prosent.

Fólkavøksturin í Streymoyar sýslu svarar til 54 prosent, skrivar Hagstovan .

Bústaðarbyggingin er fram til 2020 dragnað nógv í mun til fólkavøksturin. 

Tað vil siga, at hetta tíðarskeiðið er bústaðartrotið bara økt ár eftir ár.

Tøl fyri bústaðir