Nýtt svenskt farmaskip í FAS

Spildurnýggja svenska farmaskipið, Vingaren, er nú skrásett í FAS, føroysku altjóða skipaskrásetingini.

Skipið er 6.272 bruttotons og 115,5 metrar langt. Tað er bygt í Kina.  

Vingaren í FAS

Tórshavn, stendur á hekkuni á svenska farmaskipinum, sum er skrásett í FAS. (Mynd: Marine Traffic)

Hetta er annar nýbygningurin, sum er skrásettur í FAS í ár. 

Farmaskipið, Baltic Crystal, var skrásett har 22.februar. 

Fýra skip eru skrásett í FAS higartil í ár. Eitt er farið úr skipaskrásetingini.