Føroyskar heilsølur siga seg vera væl vardar fyri teldusníkum

Føroyskir matvøruhandlar og heilsølur siga seg vera væl vard fyri álopum frá teldusníkum, sum annars hava gjørt stóran skaða í fleiri londum í Evropa.

Har hava tedusníkar skrúvað upp fyri hitanum í frysti og kølidiskum, so matvørur fyri milliónir eru beindar burtur.

Ógvisligasta álopið var á handilsketuna ICA í Svøríki. Seks handlar hjá ICA eru raktir. Fleiri tons av matvørum máttu beinast burtur, tá teldusníkar høvdu brotið seg inn í køliksipanina og skrúvað hana upp á 50 stig.

Matvørur í Svøríki, teldusníkar í Svøríki

Danska stýrisð fyri semfelagstrygd hevur boðað frá, at fleiri álop eisini hava verið í Danmark, uttan at nakað navn verður sett á. Tað seinasta er, at ein matvøruframleiðari eisini hevur verið fyri álopi.

Líknandi álop hava eisini verið framd í Belgia, Fraklandi og Luxemburg.

Endamálið er bara at oyðileggja, og eingin fráboðan ella krav um gjøld eru løgd fyri fyritøkurnar.

Føroyskar fyritøkur og handlar siga seg vera væl vard, og hesi seinastu álopini hava fingið tey at hyggja at sínum skipanum einaferð aftrat.

Hoyr innslag í útvarpstíðindunum og samrøðu við Niels Mortensen, stjóra í SMS-samtakinum, sum umfatar Miklagarð, Bónus og Mylnuna, Tony Rasmussen, stjóra í Poul Hansen heilsølu, sum eisini umfatar Á-handlar og Samkeyp, og við Gunnar Mohr, stjóra í PM heilsølu: