Innflutningurin vaksin tríggjar milliardir seinasta árið

Innflutningurin frá februar í fjør til januar í ár var 12,6 milliardir krónur, sum eru 3,2 milliardir krónur meira enn undanfarna skeið.

Tað vísa tøl frá Hagstovuni. 

Stóri vøksturin í innflutninginum stavar í høvuðsheitum frá innflutningi av skipum og flogførum, ið vaks 1,4 milliardir krónur.

Innflutningurin av brennievni er vaksin 938 milliónir krónur, sum í høvuðsheitum stavar frá prísvøkstri.

Prísirnir vóru hægstir á sumri í fjør summarið 2022, tá innflutningsprísurin a brenniolju var oman fyri átta krónur liturin  Nú er innflutningsprísurin umleið 7 krónur liturin,

Innflutningurin 'til hav- og landbúnað' er vaksin 282 milliónir krónur ella 45,4 prosent. Meginparturin er alifóður.