Stríðsval um sessin sum forkvinna í Heilsurøktarafelagnum

Stríðsval verður um sessin sum forkvinna í Heilsurøktarafelagnum.

Tá freistin at stilla upp til forfólkasessin fór í gjár, var greitt, at tvær kvinnur stilla upp.

Tær eru Bingerð H. Fosságil, sum hevur verið forkvinna í felagnum síðani august 2021, og Anna Kristina Hansen.

Valt verður elektroniskt, og forfólkavalið verður frá 27. mars til 3. apríl.

Tveir nevndarsessir

Fýra kvinnur stilla upp til tveir nevndarsessir í Heilsurøktarafelagnum.

Linda Arnfríðardóttir og Malan Hansen hava sitið í nevndini síðani apríl 2021, og tær stilla báðar uppaftur.

Anna Kristina Hansen og Annika E. Breiðaskarð stilla eisini upp til nevndarvalið. 

Aðalfundurin hjá Heilsurøktarafelagnum verður í ár hildin í Kongshøll hin 22. apríl.