Útfluttu fyri góða milliard í januar

Føroyar útfluttu fyri eina milliard og 47 milliónir krónur í januar.

Hetta er nakað meira enn í januar í fjør, tá útflutningurin var 915,6 mió. kr.

Útflutningurin til Russlands er komin niður á 200 milliónir krónur um mánaðin, skrivar Hagstovan.

Útflutningurin av uppsjóvarfiski til Russlands er ikki steðgaður, men er minkaður nakað.

Í januar var makrelur, sild og svartkjaftur útfluttur til Russlands fyri 140,4 milliónir krónur. 

Í januar í fjør var hesin útflutningurin 114,5 milliónir krónur verdur.

Annar útflutningur er fyri tað mesta olja til russisk skip, sum bunkra í Føroyum.