Revsidómstólurin: Putin skal handtakast

Altjóða revsidómstólurin, ICC, í Haag hevur í dag givið boð um at handtaka russiska forsetan, Vladimir Putin.

Tað upplýsir Piotr Hofmański, forseti í ICC.

Dómstólurin skuldsetur russiska forsetan fyri at hava ábyrgd av krígsbrotsverkum í Ukraina.

ICC hevur eisini givið boð um at handtaka russisku umboðskvinnuna  fyri barnarættindi, Maria Lvova-Belova.

Í gjár staðfesti ein ST-frágreiðing, at Russland seinasta árið í fleiri førum hevur brotið mannarættindini í samband við kríggið í Ukraina, og at tað í nógvum førum var talan um beinleiðis krígsbrotsverk.

Russiska stjórnin hevur áhaldandi víst aftur, at landið hevur framt kríggsbrotsverk, og gjørt seg inn á sivil fólk.