Sigrun Gunnarsdóttir: "Filmurin lýsir, hvør eg eri"

Sigrun Gunnarsdóttir: "Filmurin lýsir, hvør eg eri"
Myndlistakvinnan Sigrun Gunnarsdóttir er høvuðspersónurin í heimildarfilminum "HEARTIST". Sjálv heldur hon, at leikstjórarnir hava dugað væl at lýst seg
Listakvinnan Sigrun Gunnarsdóttir kennir seg aftur í lýsingini av sær í heimildarfilminum "HEARTIST", ið var frumsýndur á CPH:DOX í gjár
Mynd: Rógvi Langgaard  
 
20.03.2023 - 14:47

Í stórfingna heimildarfilminum "HEARTIST" síggja vit 72 ára gomlu listakvinnuna Sigrun Gunnarsdóttir av Eiði.

Hon er tó ikki bert eitt listafólk, og listin fyllir ikki allan gerandisdagin.

Maðurin, børnini, ommubørnini, familjan og vinfólk hava eisini stóran týdning. 

Men snúningsásin í filminum er listin, og listakvinnan kennir seg sjálva aftur í filminum. 

20230320_NET_HEARTIST_05

 

Einfaldur myndaheimur

Sigrun Gunnarsdóttir er útbúgvin á Kongaliga danska listaháskúlanum í 1980, og tað var mitt í nítiárunum, at hon fann stílin, sum hon enn heldur fast í. 

Sigrun Gunnarsdóttir greiðir í filminum frá, at deyðin hevur havt eina stóra ávirkan á listina hjá sær.

Sjálv sigur hon, at stílurin er naivistiskur og surrealistiskur.

Tað er allarhelst ikki at taka munnin ov fullan at siga, at yrkisleiðin hjá Sigrun er í hæddini.

Orsøkin er einføld, heldur hon. 

"Tað snýr seg um at halda fast í tí, sum ein ger, og ikki gera mála málningar bert fyri at tekkjast fjøldini."

20230320_NET_HEARTIST_06

 

Í Føroyum verður "HEARTIST" frumsýndur fyri almenninginum í Filmsfelagnum mikudagin 5. apríl. 

Eisini verður filmurin sýndur í Løkshøll tann 11. apríl, og í Salti tann 12. apríl.


Tordur Niclasen, maður Sigrun, legði dent á, at Sigrun ikki mátti sleppa listini, eftir at tey fingu børn (Mynd: Kaj Joensen)
Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Guðstænasta út Gøtu kirkju
216780
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Nýggjastu sendingar í SV
Sunnudag 22. november
Andaktin
216792
Sunnudag 22. november
Guðstænasta úr Gøtu kirkju
216793
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688