Staðfesti dóm um neyðtøku

Landsrætturin staðfesti fríggjadagin ein dóm um neyðtøku og fyri at misnýta annans sálarliga menningartarn.
 
Maðurin, sum er 19 ára gamal, hevði í eitt longri tíðarskeið fleiri ferðir útvegað sær annað kynsligt samband enn samlegu við ein sálarliga menningartarnaðan mann.

Í heyst bleiv maðurin dømdur 10 mánaða fongsulsrevsing í Føroya Rætti. Av teimum 10 mánaðunum vóru tríggir mánaðir gjørdir treytaleysir.

Aftrat treytaðu fongsulsrevsingini skal tann dømdi gera samfelagstænastu í 120 tímar.

Eystari Landsrættur staðfesti dómin í Føroya Rætti.

Hetta er fyrstu ferð í Føroyum, at ein maður er dømdur fyri at neyðtaka ein annan mann.