![](https://kvf.fo/sites/default/files/styles/myndasavn-width/public/vidareidistunnil1_0.png?itok=WpawfKq0)
- Tíðindi, mentan og ítróttur
Suðuroyartunnilin: Føroyskar fyritøkur vilja sleppa upp í part
![](https://kvf.fo/sites/default/files/styles/grein-ovasta-mynd/public/vlcsnap-2022-10-10-14h33m36s986.png?itok=_PSErI_f)
Fýra almennir stovnar og 11 privatar fyritøkur hava skipað seg í ein tunnilsáhugabólk.
Formaður í bólkinum er Sigurd Lamhauge, stjóri á Landsverki. Sambært honum er ætlanin um Suðuroyartunnilin høvuðsorsøkin til, at bólkurin er stovnaður.
Høvuðendamálið er at savna vitan, men bólkurin vil eisini tryggja sær, at føroyskar fyritøkur sleppa upp í part so tíðliga sum gjørligt, tá tunnilin skal gerast.
Áhugabólkurin skal virka fyri, at føroyskar fyritøkur sleppa upp í part so tíðliga sum gjørligt, tá tunnilin skal gerast. (Savnsmynd)
Sjórin á Landsverki hevur skrivað undir hetta tíðindaskrivið. Harumframt er Sigurd L. Lamhauge sum stjóri á Landsverki eisini eftirlitsmyndugleiki í sambandi við verkætlanir, sum byggifyritøkurnar longu í dag gera og eisini í framtíðini skulu bjóða uppá.
Men Sigurd L. Lamhauge heldur ikki, at hetta er nakar trupulleiki.
Hoyr innslag í útvarpstíðindunum:
Hinir almennu stovnarnir í tunnilsáhugabólkinum eru Fróðskaparsetrið, Jarðfeingi og SEV.