- Tíðindi, mentan og ítróttur
Hava ikki brúk fyri embætisfólki í Nato
Hava ikki brúk fyri embætisfólki í Nato
Grønlendingar senda fólk til Brússel at umboða grønlendsk áhugamál í Nato, men føroyskir myndugleikar hava ikki slíkar ætlanir
Fleiri Nato-skip hava ligið á Havnini seinastu dagarnar. Føroyar leggja dent á beinleiðis politiskt samstarv við Nato heldur enn hava starvsfólk í Nato-skipanini.
Mynd: Bjarni Árting Rubeksen
23.03.2023 - 12:20
Høgni Hoydal, landsstýrismaður í uttanríkismálum, heldur ikki, at Føroyar eins og Grønland hava brúk fyri einum embætisfólki at umboða okkum í Nato-skipanini í Brússel.
Høgni Hoydal sigur, at Føroyar vilja heldur styrkja politiska samstarvið beinleiðis við Nato, tí avgerðir í hernaðarmálum skulu takast í løgtinginum og landsstýrinum.
Hoyr samrøðu við Høgna Hoydal:
23032023_Hogni_og_umodan_i_Nato
Høgni Hoydal, landsstýrismaður í uttanríkismálum. (Mynd: Bjarni Árting Rubeksen)
Grønlendskir myndugleikar hava sett 51 ára gomlu Lidu Skifte Lennert í starv at umboða grønlendsk áhugamál í Nato.
Hon hevur 25 ára royndir sum leiðari av grønlendsku umboðanini í Keypmannahavn og Brússel.
Leiðandi blaðstjórin á Sermitsiaq, Christian Schultz-Lorentzen, sigur soleiðis um grønlendsku avgerðina at fáa umboð í Nato-skipanina:
Gronland_og_nATO
Lida Skifte Lennert er sett í starv at umboða Grønland í Nato-skipanini í Brússel. (Mynd: Sermitsiaq)
Er kopiera
Nýggjastu sendingar í ÚV
Nýggjastu sendingar í SV
