Prísvøksturin ávirkar søluna

Sølan í Føroyum í fjør var nógv nógv merkt av stórum prísvøkstri. 

Frá triðja til fjórða ársfjórðing veksur sølan aloftast, tí jólasøla er, og í fjør var heldur einki undantak, skrivar Hagstovan.

Sølan í føstum prísum var harafturímóti minni í øllum vørubólkum í fjórða ársfjórðingi samanborið við sama tíðarskeið í 2021.

Sølutølini benda tó á, at hóast prísvøksturin hevur verið størstur á matvørum, er sølan í klædna- og skógvahandlum minkað.

Frá november 2021 til november í fjør var prísvøksturin 10,1 prosent. Hetta er størsti árligi prísvøkstur í nógv ár. Eins og fyri triðja ársfjórðing í 2022, ávirkaði hetta eisini søluna í fjórða ársfjórðing í fjør. 

Prísirnir á 'mati og drykkjuvørum' hækkaðu 13 prosent í fjórða ársfjórðingi í 2021 til fjórða ársfjórðing í fjør, skrivar Hagstovan.