Færri bilar við strandfaraskipunum, tá elbilar eru við

Talið á elbilum við strandfaraskipunum verður væntandi avmarkað, tá reglurnar og váðametingin fyri elbilar umborð eru lidnar. 

Niels Juel Arge

Niels Juel Arge er strandferðslustjóri

Neyðugt verður helst eisini at hava betri pláss til elbilarnar. Hetta fer at hava við sær, at skipini hjá Strandferðsluni fara at taka færri bilar, tá elbilar eru við.

Hoyr samrøðu við Niels Juel Arge, strandferðslustjóra, í útvarpstíðindunum:

Sjóvinnustýrið hevur boðað frá, at so skjótt sum reglur fyri el- og hybridbilar koma í gildi gjøgnum ST-stovnin IMO og ES, fer stýrið at arbeiða við at seta reglurnar í verk í samstarvi við vinnuna. 

Til hesar reglur eru settar í verk, mælir Sjóvinnustýrið til, at reiðaríini greina og taka støðu til serligu vandarnar, sum kunnu standast av at hava el-battarí á bildekkinum.

Váðameting skal gerast fyri hvørt skip. Hon skal vísa, hvar bilarnir skulu setast og møguliga løðast, og eld- og rýmingartilbúgvingin umborð skal lýsast.