Frælsi ov fá starvsfólk til fullmannað samdøgurstilboð

Viðgerðarstovnurin Frælsi hevur ov fá starvsfólk til at hava eitt trygt og fullmannað samdøgurstilboð til málbólkin hjá stovninum, sigur Heilsutrygd.

Roknskapurin hjá Frælsi vísir ikki, hvussu nógv tað veruliga kostar at reka stovnin. 

Heilsutrygd heldur ikki, at hølini hjá Heilbrigdi eru hóskandi til rúsviðgerð.

Og ein ætlan skal gerast fyri at løggilda sálarfrøðing. 

Blákrossheimið góðkent í 2021

Landsgrannskoðanin hevur gjørt frágreiðing um viðgerðarstovnarnar, Blákrossheimið á Nesi, Frælsi á Eiði og Heilbrigdi á Velbastað og vísir til eftirlitið hjá Heilsutrygd.

Heilsutrygd góðkendi í desember 2021 Blákrossheimið sum viðgerðarstovn.

Heilsutrygd fyribilsgóðkendi Frælsi og Heilbrigdi. Stovnarnir fingu millum hálvt og eitt ár at fáa viðurskiftini í rættlag.

Sambært Heilsutrygd er ætlanin at hava fund nú í mars at viðgera spurningin um endaligu góðkenningina hjá Frælsi og Heilbrigdi.

Frágreiðingin frá Landsgrannskoðanini kann lesast her.

Heilbrigdi, rúsdrekka, alkohol, brennivín, heimleys, bumsar, viðgerðarheim

Heilbrigdi á Velbastað.

Viðtøkur dagførast

Í februar í ár segði Heilsumálaráðið, at ásetingin um, at landsstýrisfólkið velur nevndina hjá Heilbrigdi, hevur ikki verið fylgd.

Heilsumálaráðið fer at viðgera hetta saman við stovninum, við tí í hyggju at fáa viðtøkurnar dagførdar.

Í frágreiðingini hjá Landsgrannskoðanini stendur eisini, at munur er á játtaða talinum á viðgerðarplássum og veruligu plássunum.

Heilsumálaráðið hevur sagt, at ráðið fer at viðgera hetta málið saman við stovnunum.