Á Breddanum: Støðan í Ísrael og heimastýrislógin 75 ár

Eftir fleiri rokmiklar dagar í Ísrael avgjørdi forsætisráðharrin, Benjamin Netanyahu, í gjárkvøldið at útseta umstríddu broytingarnar í rættarskipanini, sum bera í sær, at politiska valdið fær meira beinleiðis ávirkan á dómsvaldið.

Hví er Ísrael endað í hesi støðuni, og er ófriðurin nú av, eftir at Netanyahu í gjárkvøldið boðaði frá, at hann steðgar á við ætlaðu broytingunum?

Vit frætta úr Ísrael.

Fríggjadagin fyllir heimastýrislógin 75 ár.

Ein lóg, sum kom eftir fólkaatkvøðuna um loysing. Men hví kom hon, hvør vildi hava hana, og hvussu hevur hon hilnast.  Millum annað tað spyrja vit við Hans Andrias Sølvará, professara í søgu.

Breddin í útvarpinum klokkan 10.