Dýrari livikostnaður og hægri renta ávirka sethúsasølu

Dýrari livikostnaður og hægri renta hava við sær, at færri sethús verða seld nú.

Í fjør vóru 271 sethús seld, og tað er tað minsta seinastu 10 árini, vísa tøl hjá Hagstovuni.

Minsta sølan í hesi øldini var í 2009, tá 153 sethús vóru seld, og metárið var 2015, tá 398 sethús vóru seld.

Kára á Dunga og Petur Mohr Niclasen

Hoyr stjóran í Betri Heimi, Káru á Dunga, og stjóran í Skyn, Petur Mohr Niclasen, í útvarpstíðindunum: 

Miðalprísurin fyri sethús er nógv hægstur í høvuðsstaðnum . Í fjør var miðalprísurin fyri eini sethús í Havn 3,9 mió. kr.

Í stórum bygdum og býum var miðalprísurin við 2,2 mió. kr. og 1,8 mió. kr. í smábygdum, vísa tølini hjá Hagstovuni.