Fleiri nýggir persónbilar í mars

Fleiri bilar vóru skrásettir í mars enn sama mánað í fjør, vísa tøl hjá Akstovuni.

Í mars í ár vóru 268 akfør skrásett. Tey vóru 210 í fjør.

Fyrst og fremst eru persónbilarnir nógv fleiri. Teir eru 229 í mars í ár.

Fyri einum ári síðani vóru skrásettir 164 persónbilar, 65 færri enn í mars í ár.

Innfluttu brúktu akførini vóru 22 í mars. Tey vóru eisini 22 í mars í fjør.