Nú kemur skaðanevndin

Skaðanevndin, sum Ráðið fyri ferðslutrygd hevur biðið um í nógv ár, kemur nú.

Sambært broytingaruppskoti frá samdari fíggjarnevnd um uppskotið um fíggjarlóg fyri 2023, hækkaði játtanin hjá Ráðnum fyri ferðslutrygd 200.000 kr. til at seta á stovn skaðanevnd.

Eftir fund millum Dennis Holm, landsstýrismann, og Ráðið fyri Ferðslutrygd í februar, eru fyrireikingarnar farnar í gongd.

Lovisa Petersen Glerfoss

Hagtøl og skipaðar kanningar

Endamálið við skaðanevndini er at fáa til vega hagtøl og gera skipaðar kanningar um ferðsluvanlukkur.

Hetta skal gera, at aðrar vanlukkur ikki henda.

Aðalmálið hjá Ráðnum fyri ferðslutrygd er, at eingin skal doyggja ella fáa varandi mein í ferðsluni.

- Skaðanevndin hevur stóran týdning fyri arbeiðið hjá Ráðnum fyri Ferðslutrygd, segði Lovisa Petersen Glerfoss, stjóri í Ferðslutrygd, í samrøðu við útvarpið tíðliga í mars mánaði: