Hátíðarhalda Jóanes Nielsen á 70 ára degnum

Í kvøld verður føðingardagshald í Løkshøll, tí skaldið Jóanes Nielsen fyllir 70 í dag.

Og í ár eru 45 ár síðani, Jóanes gav út sítt fyrsta yrkingasavn, Trettandi mánaðin. 

Rithøvundafelagið og Tjóðpallurin heilsa skaldinum við yrkingaupplestri og einarøðum úr leikverkum. 

Harumframt vera filmsbrot og tónleikaframførslur. Kári Sverrisson, Dania O. Tausen og Sámal Ravnsfjall framføra.

Landsstýriskvinnan í mentamálum, Sirið Stenberg, borgarstjórin í Runavíkar kommunu, Torbjørn Jacobsen, og dekanur og lektari í bókmentum, Bergur D. Hansen fara at bera Jóanesi eina føðingardagskvøðu. 

Føðingardagshaldið er alment og ókeypis, men krevur tilmelding á loksholl.fo, sigur Løkshøll vegna fyriskipararnar.