Nakrir tunlar lidnir næsta ár

Bæði Fámjinstunnilin og tunlarnir Norður um Fjall verða væntandi lidnir næsta ár.

Arbeiðið gongur skjótt og væl og Fámjistunnilin verður væntandi liðugur á sumri í 2024. 

Byrjað varð uppá arbeiðið í 2022.

Tað gongur somuleiðis væl at gera tunlarnar Norður um Fjall - og teir verða eisini lidnir í 2024 verður mett í játtanarkørmunum, sum Ruth Vang landsstýriskvinna í fíggjarmálum legði fram í síðstu viku. 

Nøkur ár eftir hjá dalstunlinum

Sambært verklagslógini kosta Tunlarnir Norð um Fjall 522 mió. 

Fámjinstunnilin verður mettur at kosta 207 milliónir krónur. 

Arbeitt verður eisini við at gera tunnil til Dals. 

Byrjað varð upp á verkætlanina á vári í 2019. 

Tað arbeiðið verður mett at taka 6-7 ár, alt eftir hvussu stór játtan verður veitt til verkætlanina árliga.