Eingin bjóðaði nevndarlimunum av

Nevndin í Lærarafelagnum heldur fram eftir aðalfundin 29.apríl, skrivar Skúlablaðið.

Jona Højsted, lærari á Skúlatrøð, og Bergur Samuelsen, lærari í Skúlanum á Fløtum, standa fyri vali tá. 

Bæði bjóða seg fram. Men tað ger eingin annar, so tey eru afturvald. Freistin at stilla upp er farin, skrivar Skúlablaðið. 

Jona Højsted hevur verið kassameistari farnu tvey árini. Hon hevur verið í nevndini hjá Lærararafelagnum í seks ár. 

Bergur Samuelsen kom í nevndina í 2021.

Hinir í nevndini eru Jacob Eli S. Olsen, formaður, Tórhallur við Gil, næstformaður, og Eyðbjartur S.Skaalum.