Heldur lítið um norðurlendsku dokumentarsendingina

Jørgen Niclasen, løgtingsmaður, heldur lítið um dokumentarsendingina, sum norðurlendsku sjónvarpstøðirnar hava gjørt um russisk skip, sum í sendingini eru undir illgruna fyri njósning.

- Tað einasta, journalistarnir høvdu at vísa á, var ein mynd av einum avoldaðum, gomlum radiotóli. Er hatta einasta prógvið, keypi eg tað ikki, sigur Jørgen Niclasen.

- Er talan um danskt málsøki, so hava danir sagt, at vit skulu takast við í viðgerðina, so út frá tí skulu føroyingar taka avgerðina, sigur hann.

Hoyr samrøðu við Jørgen Niclasen í útvarpstíðindunum: