- Tíðindi, mentan og ítróttur
Hava útflutt fyri góðar tríggjar milliardir
<div>Fyrstu átta mánaðirnar í ár útfluttu vit fyri tríggjar milliardir og 170 milliónir krónur. 35 prosent av hesum virðinum komu frá laksi og alifiski, hóast vit hava fingið munandi minni fyri laksin í ár, enn sama tíðarskeið í fjør.</div><div><br></div><div>Útflutningurin av alifiski í ár er í nøgd vaksin við 31 prosentum, upp í 35.500 tons. Men tann 1,1 milliardin, vit fingu fyri hesi tonsini, eru bert tvey prosent størri í útflutningsvirði enn fyrstu átta mánaðirnar í fjør. Hetta svarar til, at meðalprísurin á alifiski er farin úr næstan 40 krónum fyri kilo í fjør, niður í 31 krónur kilo í ár.</div><div><br></div><div><b>Botnfiskurin næststørstur</b></div><div><br></div><div>Nýggjastu tølini frá Hagstovuni vísa, at í virði er botnfiskur - tað eru í høvuðsheitum toskur, hýsa og upsi - næststørsta útflutningsvøran eftir alifiskin. Vit hava útflutt botnfisk fyri 922 milliónir krónur, frá januar til august í ár. Vøksturin er níggju prosent samanborið við í fjør, og í nøgd er vøksturin 10 prosent.</div><div><br></div><div>Í nøgd er uppsjóvarfiskurin okkara størsta útflutningsvøra, hóast hon er minkað við átta prosentum, niður í góð 120.000 tons fyrstu átta mánaðirnar í ár. Í pengum hava vit útflutt fyri 725 milliónur krónur í uppsjóvarfiski.</div><div><br></div><div>18 prosent av samlaða útflutninginum í ár er makrelur, meðan svartkjaftur og laksur eru umleið 15 prosent, upplýsir Hagstovan</div><div><br></div>
