Vónin 54 milliónir í avlopi í fjør

Úrslitið hjá Vónini í fjør var 54 milliónir kr.

Sølan hjá samstakinum vaks 68 milliónir kr. í fjør, men samlaða úrslitið var tó heldur minni enn í 2021. 

Orsøkin er øktar lønarútreiðslur, inflatiónin, og kostnaðurin fyri tilfar er eisini hækkaður, sigur Vónin tíðindaskrivi. 

Sølan uttanlands veksur støðugt.

Í fjør vóru næstan 75 prosent av samlaðu søluni hjá samtakinum til marknaðir uttan fyri Føroyar. Sølan til alivinnuna var meira enn ein triðingur av allari søluni.

Vónin-samtakið fevnir um feløg í Føroyum, Grønlandi, Kanada, Danmark, Noreg, Litava og nýliga eisini í Skotlandi.
 

Vónin, Vónin í Litava, trolvirkið Vónin

Vónin hevur eisini virksemi í Litava. (Mynd: Vónin)