LUM: Flestu klagur vóru um kommunur

Løgtingsins umboðsmaður fekk 91 klagur í fjør, nakrar fleiri enn í 2021.

Tær flestu vóru um kommunur, 19 í tali.

75 av teimum 91 klagunum vóru endaliga avgreiddar, sambært ársfrágreiðingini fyri 2022, sum var almannakunngjørd í dag.

Hanna Vang, løgtingsins umboðsmaður

Hanna Vang er Løgtingsins umboðsmaður.

Umboðsmaðurin avgreiddi eisini fýra klagur frá undanfarnum árum í fjør.

Àtta niðurstøður endaðu við antin áliti ella skrivi. 46 klagur vóru avgreiddar við aðrari viðgerð enn niðurstøðu frá umboðsmanninum, meðan 25 klagur vóru vístar aftur uttan viðgerð. 

Í fjør vóru átalur givnar í seks málum.

Les frágreiðingina her.