Seta eisini ferðsluljós upp í summar

Aftur í ár fer Landsverk, í samráð við Sunda kommunu, at seta upp ferðsluljós í Líðini oman móti Tjørnuvík. 

Hetta verður gjørt fyri at ferðslan skal ganga betur, og at tað slepst undan mótkoyrandi ferðslu á smala strekkinum. 

Í ár verður klokka eisini sett á ferðsluljósini. Hetta merkir, at bíðitíðin í mesta lagi verður 5 min. og 12 sek. 

Tað er nærum helvtin av tíðini, sum tú bíðaði í fjørsummar. 

Ferðsluljósini verða eftir ætlan tendrað 1. juni, skrivar Sunda kommuna.