Ørkymlað av stórum næmingatali í Fuglafjarðar skúla

Í Fuglafjarðar skúla eru tey ørkymlað, tí eftir summarfrítíðina fara flokkar í framhaldsdeildini upp um 24 næmingar. 

Sambært fólkaskúlalógini eigur næmingatalið við skúlaársbyrjan vanliga ikki at fara upp um 24 í hvørjum flokki. Tað hevur Løgtingið sett sum hægsta mark fyri næmingatali. 

Berlys Carlota Cañas Toftadal

Berlys Toftadal er skúlastjóri í Fuglafirði.

Tó hevur í nógv ár verið siðvenja ikki at lata tímar til nýggjan flokk, fyrr enn flokkurin fer upp um 26 næmingar. 

Í Fuglafirði verða tað væntandi 51 ella 52 næmingar í tveimum áttandaflokkum næsta skúlaár. Hetta kundi útloyst rættin til ein triðja flokk, men tað hevur Mentamálaráðið ikki eftirlíkað skúlanum. 

Berlys Toftadal er skúlastjóri í Fuglafjarðar skúla:

Hjalmar Hansen, stjóri í Undirvísingarstýrinum, váttar, at tað hevur verið siðvenja í nógv ár, at tað ikki verður settur nakar nýggjur flokkur, fyrr enn talið av næmingum kemur upp á 27. 
Í Fuglafjarðar skúla merkir tað, at næmingatalið skuldi komið upp á 53, áðrenn tann triði flokkurin verður settur.

Kári Mikkelsen legði til rættis.