Á Breddanum: Næmingatal í fólkaskúlanum og norðurlendsk gransking

Eftir summarfrítíðina vera minst 20 flokkar í fólkaskúlanum, sum hava fleiri enn 24 næmingar í flokkinum.

Hetta hendir, sjálvt um 24 næmingar eru hámarkið fyri, hvussu nógvir næmingar skulu vera í hvørjum flokki, sambært fólkaskúlalógini.

Vit tosa við skúlar, Undirvísingarstýrið og formannin í Føroya Lærarafelag.

Gransking

Granskingarmøguleikarnir í Føroyum skulu vera fleiri.

Føroyar hava fingið sjálvstøðugan limaskap í stýrinum fyri norðurlendska stovnin, Nordforsk, og tað fer eisini at at geva onkrar nýggjar møguleikar fyri gransking.

Stjórin fyri Granskingarráðið, sum eisini er føroyskt umboð í Nordforsk, verður í útvarpsstovuni, og vit tosa eisini við vararektaran fyri gransking á Setrinum. 

Breddin í útvarpinum klokkan 10.