Spyr um stuðulslán verða latin til eldrabústaðir

Spyr um stuðulslán verða latin til eldrabústaðir
Helgi Abrahamsen vísir á, at eldraøkið verður lagt til kommunurnar at umsita og ivast í, um landsstýrið fer at lata fleiri stuðulslán til røktarheim
 
19.09.2013 - 09:03

Helgi Abrahamsen, tingmaður fyri Sambandsflokkin, vil hava at vita frá Anniku Olsen, landsstýriskvinnu, um landsstýrið fer at lata kommunum stuðulsán til eldrabústaðir, áðrenn máløkið verður latið kommununum at umsita.

Hann hevur boðað frá einum skrivligum fyrispurningi til landsstýriskvinnuna í almannamálum, og á tingfundinum mikudagin fer tingið at taka støðu til, um fyrispurningurin skal svarast.

Bíða til næstu ferð

Helgi Abrahamsen vísir á, at Sjóvar kommuna hevur í fleiri ár arbeitt við eini ætlan um at byggja eldrasambýli, og hevur søkt landsstýrið um stuðul til endamálið. Men boðini úr landsstýrinum hava alla tíðina verið, at bíðast má til næstu ferð, tá stuðulslán til ellis- og røktarheim og eldrasambýli verða boðin út.

- Nú er ivasamt, um næsta útbjóðing nakrantíð verður, sigur Helgi Abrahamsen, sum vísir á, at eldraøkið møguliga verður lagt út til kommunurnar. Hann vil tí hava at vita frá Anniku Olsen, um landsstýrið fer at lata fleiri stuðulslán til eldrabústaðir, áðrenn málsøkið verður latið kommununum at umsita.

 

 

Er kopiera
Nýggjastu sendingar í ÚV
Hósdag 10. apríl
Góðan morgun Føroyar
190533
Hósdag 10. apríl
Brot úr Føroya søgu
190532
Hósdag 10. apríl
Morgunlestur hósdagur 10.apríl 2025
190386
Mikudag 9. apríl
Mono - Passions Just Like Mine (4:5)
190509
Nýggjastu sendingar í SV
Mikudag 9. apríl
Undansending: Føroyar - Litava
190512
Týsdag 8. apríl
Dagur og vika - teknmálstulkað
190454
Týsdag 8. apríl
Veðrið
190447
Týsdag 8. apríl
Fótbóltur: Føroyar - Gibraltar
190450