Fara helst at lesa aðrastaðni enn í Bretlandi

Strongu krøvini hjá bretsku stjórnini til útlendsk lesandi fara at hava við sær, at føroyingar fara at leita sær aðrastaðni at lesa.

Tað væntar forsetin í MFS, Magnus við Streym.

Hann sigur, at um lesandi skulu liva av studningi og ikki sleppa at arbeiða aftrat lesnaðinum, verður fátæksligt hjá teimum.

Hetta fer ikki at gera tað lokkandi hjá føroyskum lesandi at fara til Bretlands at nema sær útbúgving, heldur Magnus við Streym:

Lesandi í Bretlandi

Nýggju reglurnar um útlendsk lesandi í Bretlandi koma í gildi í januar. (Savnsmynd: Ritzau Scanpix)

Bretska stjórnin hevur boðað frá herdum krøvum til tess at minka um streymin av lesandi til landið.

Eitt nú kunnu lesandi ikki longur taka við sær familjulimir, sum tey hava forsyrgjaraskyldu fyri, við til Bretlands. 

Undantikin eru tey, sum taka master í granskingarlærugreinum.

Útlendsk lesandi kunnu heldur ikki longur býta lestrarloyvi um til arbeiðsloyvi, áðrenn lestrartíðin er liðug.. 

Nýggju reglurnar koma í gildi í januar næsta ár.