Arbeiðsloysið 0,7 prosent í apríl

Arbeiðsloysið í Føroyum er søguliga lágt, og tað kom niður aftur á 0,7 prosent í apríl.

Tað var 0,9 prosent í januar og 0,8 prosent í februar og mars, skrivar Hagstovan.

215 fólk vóru fulltíðararbeiðsleys í apríl. Tað er minsta talið higartil.

143 skrásett í ALS

10,4 prosent av teimum arbeiðsleysu í apríl hava verið arbeiðsleys í eitt ár ella meira.

Á heimasíðuni hjá ALS eru 143 skrásett at fáa arbeiðsloysisstuðul. Har eru eisini 149 starvslýsingar.

Nøkur fáa arbeiðsloysisstuðul frá Almannaverkinum.