Funnu umleið 10 kilo av hassji í persónbili

Løgreglan og Taks funnu í einum felags átaki í gjárkvøldið umleið 10 kilo av hassji í einum persónbili í Havn.

Tað upplýsir Føroya Politi.

Ein maður og ein kvinna, sum vóru í bilinum, vóru handtikin.

Ein maður aftrat var handtikin umborð á einum skipi, sum stutt frammanundan var komið til Føroya úr útlondum.

Øll trý fólkini komu fyri rættin í grundlógaravhoyring seinnapartin. 

Meiri verður at frætta í útvarpstíðindunum klokkan 18. Tá verður samrøða við Hera Andreassen, leiðara á kanningardeildini hjá løgregluni.