Landsverk: Heimild og ábyrgd eiga at fylgjast

Stóri trupulleikin, sum enn ikki er loystur, er at savna heimild og ábyrgd.

Síðani 2020 hevur Landsverk framt eina skipaða strategiska førleikamenning av fíggjar- og verkætlanarstýringini á stovninum.

Tað sigur Sigurd Lamhauge, stjóri á Landsverki, í brævi til fíggjarnevndina hjá løgtinginum.

Nevndi viðger frágreiðingina hjá Landsgrannskoðanini um H-bygningin hjá Landssjúkrahúsinum og uppskotið til samtyktar hjá løgtingsgrannskoðarunum um at gera greiðar reglur um, hvussu almennar byggiverkætlanir skulu skipast.

48.000 kr. fermeturin

- Tað kostar ikki at taka eina avgerð og læsa eina verkætlan, sigur Sigurd Lamhauge.

H-bygningurin kostar 48.000 krónur fyri fermeturin.

Tað má sigast at vera á eini leið, tá vit vita, at íbúðir í Havn kosta næstan tað sama, sigur Sigurd Lamhauge.

Hann sigur, at 100túsundatals tímar av nærløgdum arbeiði hjá monnum og kvinnum at byggja føroyingum nýtt sjúkrahús vera skúgvaðir av borðinum og gøluheitið verður kroyst oman á verkið.

Tað er kostnaðurin av ógreiðari ábyrgd og ógreiðum heimildum.

Sigurd L. Lamhauge

Sigurd Lamhauge, stjóri í Landsverki.

Læsa verkætlan

Tá politiska skipanin ger greiðar reglur um heimildir og ábyrgd av verkætlanum, ber til at læsa eina verkætlan, áðrenn spakin verður settur í.

Tá hava vit lært av gjørdum feilum, sigur Sigurd Lamhauge, stjóri á Landsverki.

Hann sigur, at Landsverk vísti á í 2020, at tað er ein vansi, tá stórar byggiverkætlanir skulu stýrast, at heimild og ábyrgd ikki eru á sama staði.