El-bussarnir í Havn fara at koyra í dag

El-bussarnir hjá Bussleiðini í Havn fara nú koyra.

Teir koyra á leið 4.

Hátíðarløta verður í Steinatúni í dag kl.11.00.

Eftir hátíðarhaldið koyra el- bussarnir stuttar túrar til kl.14.00, so fólk fáa møguleika at royna bussarnar.

Tann 20.apríl í fjør var nýggjur sáttmáli um Bussleiðina gjørdur. Hann er galdandi frá januar í ár til og við desember 2031.

Avtalað var tá at keypa 15 nýggjar dieselbussar og tveir nýggjar el-bussar.

Og á býráðsfundi í apríl í fjør var eisini samtykt, at umleggingin av allari Bussleiðini til grøna orku skal fremjast seinast í 2027.

Næstu mánaðirnir vera ein royndartíð hjá el-bussunum.

Vera trupulleikar, kunnu dieselbussar taka við aftur leið 4, sigur Tórshavnar kommuna.