Stoltenberg og Erdogan hittast at viðgera svenskan Nato-limaskap

Jens Stoltenberg, Nato-aðalskrivari, fer til Turkalands at gera eina roynd at fáa landið at góðtaka umsóknina hjá Svøríki um limaskap í Nato.

Stoltenberg sigur, at hann fer til Ankara í næstum.

Aðalskrivarin sigur, at svenska umsóknin verður evnið á fundinum í Oslo í dag millum uttanríkisráðharrarnar í Nato-londum.

- Vit mugu minnast til, at øll sameind, eisini Turkaland, bjóðaðu Svøríki at gera fullgildugur limur, sigur Stoltenberg.

Hann sigur, at hann hevur tosað við Recep Tayyip Erdogan um málið, eftir at Erdogan vann forsetavalið seinasta vikuskifti.

- Boðskapurin hjá mær er, at svenska umsóknin um Nato-limaskap er góð fyri Svøríki, fyri Norðurlond og fyri Baltikum, men eisini fyri alt Nato. Tað ger Nato sterkari, og tað hevur týdning eisini fyri Turkaland, sigur Stoltenberg.