ALS vánaligt úrslit, hóast lítið arbeiðsloysi og stórt inngjald

Hóast arbeiðsloysið ongantíð hevur verið so lítið sum nú, og inngjaldið í ALS var umleið 160 milliónir. kr. meira útgjaldið, var úrslitið í fjør bert knappar 25 milliónir í avlopi.

Og avlopið í fjør var 113 milliónir minni enn í fyrraárið.

Magni á Deild Olsen, stjóri, ALS, arbeiðsloysisskipanin,

Magni á Deild Olsen, stjóri í ALS.

- Órógv á fíggjarmarknaðinum ger, at úrslitið er minkað, sigur Magni á Deild Olsen, stjóri, um ársroknskapin hjá ALS, sum var góðkendur í farnu viku. 

Hoyr innslag í útvarpstíðindunum:

  Miðalarbeiðsloysið í fjør var 0,8 prosent, og hóast stóra hallið á virðisbrævaognunum í fjør, er eginognin hjá ALS 1,1 milliard krónur.