Arbeiðsgevarar: Arbeiðsvikan er longu 37 tímar

Flestu løntakarar á privata arbeiðsmarknaðinum í Føroyum hava ikki 40 tíma effektiva arbeiðsviku. 

Arbeiðstíðin, tað er arbeiðstíðin uttan matar- og kaffisteðgir, er longu okkurt 37 tímar um vikuna ella minni enn tað. 

Tað sigur Føroya arbeiðsgevarafelag.

Felagið sigur eisini, at arbeiðsvikan er eitt mál fyri partarnar á arbeiðsmarknaðinum.

Umráðandi er, at spurningurin um arbeiðstíð og arbeiðsvikuna í Føroyum verður viðgjørdur væl og virðiliga í trípartasamráðingum millum tað almenna og partarnar á arbeiðsmarknaðinum.