Vága floghavn: Vænta nýtt met í ár

Ferðafólkatalið á flogvøllinum til 1.juni var størri í ár enn tað var í 2019, sum annars er metár higartil.

Tað var 2,5 prosent størri.

Í 2019 vóru 143.356 ferðafólk. Tey vóru 147.009 í ár.

Í mai vóru ferðafólkini 11,9 prosent fleiri enn í 2019.

Og tey vóru eisini fleiri enn í mai í fjør, sum annars var tann besti mai til ferðafólk higartil.

Ferðafólkini vóru fýra prosent fleiri í mai í ár.

Væntandi vera ferðafólkini 440.000 í ár, sigur Regin I. Jakobsen, stjóri í Vága floghavn.

Tað fer at gera 2023 til metár.